2025-mi 1. kvartalimi aalisarneq, aalisariutit aalisarfiillu malillugit

Matumuuna Naatsorsueqqissaartarfimmit 2025-mi 1. kvartalimi kisitsisit kisitsisaataasivimmi kisitsisaatigineqartut atorlugit tabelinngorlugit saqqummersinneqarput. Tabelimi saarulliit, qalerallit aamma kinguppaat pillugit ukiuni kingullerni tallimani kvartalini siullerni paasissutissat ilanngunneqarput.

 

2025-mi kvartalimi kisitsisaagallartut atorlugit takuneqarsinnaavoq saarulliit aamma kinguppaat annikillisimasut qalerallillu annertusisimasut. Kisitsisilli nalorninartoqarput qaammatini siullerni pisanik nalunaarsuinerit amigarsinnaaneri pissutaalluni. Taamaattumik kisitsisit mianersuullugit atoqquneqarput.

 

Kvartalimi siullermi Kalaallit Nunaanni aalisariutinit saarulliit, qalerallit kinguppaallu pisat sumiiffinni assigiinngitsuni annertussusaat

Pisat

Pisaqarfik

2021

2022

2023

2024

2025

Saarulliit .

Sinerissap qanittuani

        1.223

           784

        1.695

        1.402

        1.634

 

Avataasiortuni

     13.420

     11.664

     10.228

     14.430

     11.323

 

Katillugit

     14.642

     12.449

     11.923

     15.831

     12.957

Qalerallit .

Sinerissap qanittuani

        5.293

        5.451

        5.597

        4.343

        3.468

 

Avataani

           930

           698

              96

        1.130

        5.002

 

Katillugit

        6.223

        6.149

        5.693

        5.473

        8.470

Kinguppaat

Sinerissap qanittuani

        8.758

        7.648

        7.469

        9.111

        6.650

 

Avataasiortuni

     16.953

     17.004

     14.538

     10.805

        8.785

 

Katillugit

     25.711

     24.652

     22.007

     19.916

     15.435

Najoqqutaq: Naatsorsueqqissaartarfik – Kisitsisaataasivimmi kisitsisit takukkit https://bank.stat.gl/FIN010

 

Saarulliit pisat 2024-mi amerlanerpaajusimapput 15.831 tonsiullutik, 2025-mili 12.957 tonsinut apparsimapput. Avataasiorluni pisat annertunerupput, sinerissap qanittuani saarulliit pisat allanngorpallaarnatik 2.000 tonsit ataattarsimavaat.

 

Qalerallit pisat 2024-mi 5.473 tonsiullutik 2025-mi qaffangaatiarsimapput 8.470 tonsinngorsimagamik.

 

Kinguppaat pisat 2021-mi 25.711 tonsiupput 2025-mi 15.435 tonsinut appasimallutik. Sinerissap qanittuani aamma avataasiorluni kinguppaat pisat piffissap ingerlanerani annikilliartuaarusaarsimapput.

 

Piffissami 2012-miit 2025 1. kvartalimut pisat annertussusaat aamma nalingi, pisat suussusaannut, kvartalinut kiisalu kiisalu Kalaallit Nunaanniit avataanniillu aalisariutinut agguataarlugit immikkoortiterneqarsimasut Kisitsisaataasivimmi nassaarisinnaavatit.